«Гэта або крывадушнасць, або недагляд з польскага боку». Чаму набліжаны да Лукашэнкі бізнесовец жыве ў Польшчы?

«Чалавек Лукашэнкі», алігарх з Беларусі Аляксандр Машэнскі, жыве на дзве краіны: у працоўныя дні – у Беларусі, у выходныя – у Польшчы. Гэта ў той час, калі шараговыя беларусы з цяжкасцямі атрымліваюць візы. Чаму дэмакратычная Польшча дае дазвол на свабоднае перасоўванне ды перабыванне на сваёй тэрыторыі набліжанаму да Лукашэнкі алігарху? Пагаварылі пра гэта з журналістам-расследавальнікам з «Бюро медыя» Алесем Ярашэвічам.