З 23 па 27 верасня беларусы, якія хочуць атрымаць польскую нацыянальную візу для навучання на першым курсе ў ВНУ Польшчы, могуць падаваць дакументы ў візавыя цэнтры Польшчы ў Менску, Гомлі і Магілёве без папярэдняй рэгістрацыі, паведамляе VFS Global Group.
Пра новаўвядзенні паведамляе на сваім сайце VFS Global Group.
У траўні візавыя цэнтры Польшчы ў Менску, Гомлі і Магілёве зрабілі для школьнікаў і студэнтаў асобную катэгорыю ў сістэме рэгістрацыі. Калі ў гэтай катэгорыі падаецца непоўнагадовая асоба (да 18 гадоў), разам з ёй можа падаць дакументы на атрыманне візы адзін з бацькоў без папярэдняй рэгістрацыі.
Таксама раней візавыя цэнтры ўвялі асобную рэгістрацыю на польскую візу для людзей, старэйшых за 60 гадоў.
Ад 1 верасня «VFS Global» спыніла прыманне заяваў на польскія візы кур’ерскай службай. Цяпер, каб падаць дакументы, усім, акрамя няпоўнагадовых, патрэбна асабіста прыйсці ў візавыя цэнтры кампаніі.
Дагэтуль кур’ерам можна было выслаць заяву на польскую нацыянальную візу D.
Марыя Міхалевіч belsat.eu
