Лукашэнка не пойдзе на прэзідэнцкія выбары ў Беларусі, але да апошняга захавае інтрыгу. Гэтак мяркуе Анатоль Котаў. Лукашэнка будзе кіраваць да смерці і марыць перадаць уладу сыну Мікалаю, які пакуль толькі грае на піяніна. Разважае Павел Усаў. Глядзіце новы «Двубой».
У новым выданні праграмы «Двубой» з Віталём Цыганковым эксперты спрабуюць высветліць, ці спраўды пойдзе Аляксандр Лукашэнка на прэзідэнцкія выбары, а таксама аналізуюць розныя сцэнары, якія чакаюць Беларусь.
- Чаму Лукашэнку не варта ісці на выбары, калі ён хоча сябе захаваць?
- Сям’я Лукашэнкі не дасць пайсці яму на выбары?
- Навошта Лукашэнка ачоліў Беларускі народны сход?
- Чаму зрабіліся неактуальнымі сочынскія дамоўленасці Пуціна і Лукашэнкі?
- Навошта Лукашэнка збівае расейскія дроны «Shahed»?
- Хто калі не Лукашэнка? Сергеенка, Крутой, Галоўчанка?
- Як беларуская гаспадарка жыве за кошт вайсковых замоваў расейскага абароннага комплексу?
- Чаму прэзідэнцкія выбары 2025 года ў Беларусі могуць не адбыцца?
- Мікалай Лукашэнка грае на піяніна, каб далей кіраваць Беларуссю замест бацькі?
Праграму «Двубой» глядзіце кожны аўторак у жывым эфіры «Белсату» а 20:20 і кожную сераду на YouTube-канале «Белсат News».
