8 сакавіка незалежную журналістку Ларысу Шчыракову выклікалі ў міліцыю і склалі пратакол «за незаконны выраб прадукцыі СМІ».
Пратакол склаў начальнік аддзелу аховы правапарадку Цэнтральнага РАУС падпалкоўнік Юрый Панін, паведаміла журналістка.
Ларысу Шчыракову вінавацяць у тым, што на сайце «Белсату» міліцыянты быў знойдзены матэрыял ад 13 студзеня пра павышэнне падаткаў для прадпрымальнікаў, які паводле версіі міліцыі, зрабіла Ларыса Шчыракова –
Апытаныя сілавікамі прадпрымальнікі пацвердзілі, што менавіта Шчыракова брала ў іх інтэрв‘ю, такім чынам журналістку будуць судзіць па артыкуле 22.9 КаАР РБ. Максімальнае пакаранне па гэтым артыкуле штраф 50 базавых велічынь або дзевяць мільёна рублёў.
Журналістка лічыць, што не ў чым не вінаватая. «Пра які незаконны выраб прадукцыі СМІ можа весціся гаворка, калі Канстытуцыя мне дае права збіраць і распаўсюджваць інфармацыю? Гэта, першае, другое – набліжаюцца выбары, у краіне цяжкі эканамічны крызіс – трэба заткнуць рот незалежным журналістам каб не асвятлялі гэтыя падзеі ды з’явы» – упэўненая Ларыса Шчыракова.
Раней за супрацу з Белсатам ужо судзілі Алеся Залеўскага, Марыну Малчанаву і Алеся Ляўчука. Улады з дапамогай КДБ, міліцыі і судоў пераследуе незалежных журналістаў па ўсей краіне. Ужо было складзена больш за дваццаць адміністрацыйных пратаколаў. На мінулым тыдні ўжо другі раз судзілі Журналістку з Бярозы Тамару Шчапёткіну, якая даведалася пра ўласны суд праз смс, але не была на яго дапушчаная і дагэтуль не атрымала рашэння суда.
13 сакавіка ў Іванава за супрацу з «Рыдыё Рыцыя» будуць судзіць журналістку Іну Хоміч. Пры гэтым міліцыю не колькі не бянтэжыць факт, што спадарыня Хоміч з’яўляецца штатнай журналісткай газеты «Берасцейскі кур‘ер »
АЛ, belsat.eu
