Старшыня Цэнтрвыбаркама выбірала дэпутата ў бізнес-цэнтры «Пакроўскі» каля «Менск-арэны», на выбарчым участку №511, дзе балатуецца ў тым ліку і спявачка Ірына Дарафеева. Паводле Ярмошынай, пазней у яе не будзе часу на галасаванне.
Кіраўніцы ЦВК неабходна было выбраць з экс-кандыдата ў прэзідэнты Віктара Цярэшчанкі, спявачкі Ірыны Дарафеевай, аглядальніка Уладзіміра Падгола, юрыста і сына былога кіраўніка Федэрацыі прафсаюзаў Андрэя Козіка, камуніста Кірылы Герасімава і ліберал-дэмакрата Алега Чэсалава.
«Я прагаласавала за таго чалавека, якога вельмі добра ведаю. Дэпутатам павінен быць чалавек, які нешта з сябе прадстаўляе або які чагосьці дасягнуў: вядомасці, капіталу, адукацыі, перспектыў», – распавяла Лідзія Ярмошына.
У першы дзень датэрміновага галасавання, паводле афіцыйных дадзеных, на ўчасткі прыйшлі каля 4% выбарцаў – такія паказнікі Лідзія Ярмошына назвала звычайнай практыкай. Прэтэнзіі некаторых незалежных назіральнікаў, якія заявілі, што іх дадзеныя разыходзяцца з афіцыйнымі, кіраўнік ЦВК назвала несурʼёзнымі.
«Ніякага прымусу студэнтаў ісці на выбары не было, а лішні выходны, які некаторым абяцалі, – гэта не прымус, а, калі можна так сказаць, подкуп выбарцаў. Адміністрацыя ВНУ вольная такім чынам стымуляваць палітычную актыўнасць. Такім чынам, парушэнні заканадаўства няма».
-
«Не гнаць людзей на выбары». Студэнты «не паслухаліся» Лукашэнку
-
Галасаванне па-стаханаўску: на адным з менскіх участкаў ужо прагаласавала палова выбарцаў
Лідзія Ярмошына заявіла, што гэтыя выбары на 100% празрыстыя з самага іх пачатку. Яна назвала іх самымі дэмакратычнымі з 2000 года.
