Віцэ-прэзідэнт ЗША заявіў пра гатовасць уладаў Украіны даць Данбасу асаблівы статус
Віцэ-прэзідэнт ЗША Джоўзэф Байдэн заяўляе пра гатоўвасць украінскіх уладаў надаць асаблівы статус Данбасу. Пра гэта ён сказаў падчас выступу ў Савеце па міжнародных адносінах у Нью-Ёрку.
«Калі ты кажаш, што Данбас мае атрымаць спецыяльны статус і ты збіраешся замацаваць гэта ў Канстытуцыі, гэта ўсё роўна што сказаць: »Тэхас будзе мець спецыяльны статус, таму што мы хацелі б, каб Мексіка мела больш уплыву ў Тэхасе, і мы збіраемся правесці гэта праз Кангрэс ЗША«. Гэта вельмі складаны крок, які яны (украінскія ўлады) пагадзіліся распачаць. Я перакананы, што яны гэта зробяць», – сказаў Байдэн.
Відэа з выказваннем Байдэна апублікавала на расейскай мове Украінская служба «Голасу Амерыкі».
Глядзіце яшчэ >>> Яна абрала вайну, а не каханне… Фільм пра дакументалістку, якая паехала на Данбас
Апошняе інтэрв’ю ўкраінскага опернага спевака, які загінуў на Данбасе (ЭКСКЛЮЗІЎНАЕ ВІДЭА)
Міністр замежных спраў Украіны Павел Клімкін адмаўляе, што Францыя і Нямеччына прымушаюць Украіну прыняць закон аб мясцовых выбарах і наданню Данбасу асаблівага статусу.
14 верасня міністр замежных спраў Францыі Жан-Марк Эро на сумесным з Клімкіным і міністрам замежных спраў Нямеччыны Франкам-Вальтэрам Штайнмаерам брыфінгу заявіў пра неабходнасць прыняцця Вярхоўнай Радай законапраекту аб мясцовых выбарах і наданні асаблівага статусу Данбасу.
МЯ, паводле ukranews.com, ukrainian.voanews.com
