Днём 25 чэрвеня ў Кіеве на вуліцы Тургенеўская двое невядомых сілком пасадзілі сына фінансавага аташэ амбасады Лівіі ў аўтамабіль цёмнага колеру і з’ехалі з месца здарэння.
Кіеўская паліцыя абʼявіла план «Перахоп». Праваахоўнікі шукаюць аўтамабіль «Фольксваген Гольф» цёмна-сіняга колеру.
Сыну фінансавага аташэ 26 гадоў. Дзе ён цяпер – невядома. У паліцыі пакуль не кажуць, якую мэту могуць пераследаваць выкрадальнікі.
Распачатая крымінальная вытворчасць па арт. 146 (Незаконнае пазбаўленне волі або выкраданне чалавека) Крымінальнага кодэкса Украіны.
ІІ, belsat.eu, паводле pravda.com.ua