10 снежня адбудзецца ўручэнне літаратурнай прэміі Францішка Аляхновіча.
Сярод намінантаў сёлетняй прэміі: Алесь Бяляцкі, Аляксандар Буд-Гусаім, Зьміцер Дашкевіч, Анатоль Міхнавец, Фелікс Пекер, Павал Севярынец, Аляксандар Фядута, Ірына Халіп.
Падчас цырымоніі адбудзецца выступ Змітра Вайцюшкевіча і прэзентацыя яго праекту турэмнага шансону па-беларуску «Варанок».
Імпрэза адбудзецца а 18-й гадзіне ў менскай сядзібе БНФ (Чарнышэўскага, 3-39). Уваход вольны.
Прэмія імя Францішка Аляхновіча заснаваная Беларускім Пэн-цэнтрам і Радыё Свабода. Тэматыка твораў ніяк не абмежаваная.
Але, як адзначае Радыё «Свабода», арганізатары прэміі спадзяюцца, што неўзабаве яна страціць сваю актуальнасць.
ЗК, belsat.eu
