Станцыя «Першамайская». Фота – planetabelarus.by
Савет міністраў Беларусі ўнёс змены ў Правілы перавозак пасажыраў у менскім метрапалітэне.
Цяпер пасажыры сталічнага метро маюць права перавозіць зброю і боепрыпасы да яе, але пры ўмове, што зброя знаходзіцца ў чахле, кабуры або адмысловым футляры. Таксама пры сабе трэба мець дакумент «які пацвярджае права на нашэнне» зброі.
Змены таксама закранулі правілы правозу газавых балончыкаў. Раней забаранялася правозіць балоны любога аб’ёму. У абноўленых правілах, забараняецца правозіць газавыя балоны абʼёмам больш за 0,5 літра.
ЮВ, belsat.eu
