Фільм Іллі Бажко, зняты пры падтрыманні «Белсату», атрымаў дыплом 24-а міжнароднага фестывалю «Лістапад». У пятніцу сталі вядомыя вынікі галасавання журы і гледачоў.
Прыз кіраўніка Беларусі «За гуманізм і духоўнасць у кіно» дастаўся народнаму артысту Кыргызстану Актану Арыму Кубату. Актан адзначыў, што гэтая прэмія дазволіць яму папрасіць грошы на наступнае кіно «ў свайго кіраўніка».
Прыз глядацкіх сімпатыяў за найлепшы гульнявы фільм атрымала карціна «Кандзелары» (рэж. Джоні Хенрыкс Інестроса).
Прыз сімпатыяў гледачоў за найлепшы дакументальны фільм дастаўся стужцы Арунаса Матэлікса «Дзіўныя няўдачнікі. Іншы свет»
Прыз гільдыі кіназнаўцаў і кінакрытыкаў атрымаў фільм Юліі Шатун «Заўтра».
Прыз за найлепшы дакументальны фільм у нацыянальным конкурсе атрымала стужка «Вакол Беларусі на роварах з маторам» Барыса Мікалайчыка.
Прыз журы кінапрэсы ФІПРЭСІ «Новыя галасы» за найлепшы дэбют атрымала Раці Анэлі за «Горад сонца». Гэтая ж стужка атрымала таксама адмысловы прыз журы.
Спецыяльны прыз за лепшы гульнявы фільм атрымаў фільм «Бунтар», рэж. Міранша Найк.
Прыз імя кінарэжысёра В. Т. Турава – «Тры чвартыя», рэж. Іліан Мецэў.
Конкурс гульнявога кіно:
- Прыз «За лепшы сцэнар» – «Гранатавы сад» (Асіф Рустамаў, Ільнар Наджаф, Румол Ян Мінэбо)
- Прыз «За лепшую мужчынскую ролю» – «Вэстэрн» (Майнхард Нойман)
- Прыз «За лепшую жаночую ролю» – «Арытмія» (Ірына Гарбачова)
- Лепшая аператарская праца – Маріёт Таніэль, «Лістапад», рэж. Райнэр Сарнэт
- Прыз «За лепшую рэжысуру» – «Іней» (Шарунас Бартас)
- Прыз журы – «Арытмія» (Барыс Хлебнікаў)
- Гран-пры «Золата лістапада» атрымаў фільм «Лістапад» Райнэра Сарнэта (Эстонія, Польшча, Нідэрланды)
Прыз парламенцкага сходу Саюзу Беларусі і Расеі «За вернасць маральным ідэалам у кінамастацтве» атрымаў фільм «Апошні вальс» рэж. Юліі Бабковай.
Фільм Іллі Бажко «Зніклая паэзія», зняты пры падтрыманні нашага каналу, атрымаў дыплом у нацыянальным конкурсе дакументальных фільмаў.
ІА, ДД, ЮВ
