Паводле следства, жанчына пакутавала на дэпрэсію.
Здарэнне адбылося сёлета ў красавіку. 46-гадовую жанчыну знайшлі павешанай у пад’ездзе дома па вуліцы Савецкай, 106. Смерць выкладчыцы беларускай мовы і літаратуры выклікала шматлікія версіі.
Паводле адной з версіяў, падставай для самагубства магло стаць высяленне выкладчыцы з кватэры. Дом, у якім яна жыла, атрымаў статус інтэрнату. Кватэры ў ім давалі супрацоўнікам ўніверсітэту, а выкладчыцу нібыта збіраліся звольніць.
Прадстаўнік Гомельскага Следчага камітэту Дзяніс Кузьмін паведаміў «Гомельскай праўдзе», што жанчына не ўдзельнічала ў судах, звязаных з прыватызацыяй жылля ў «праблемным» доме. Высветлілася, што ва ўніверсітэце яе не толькі не збіраліся звальняць, але нават накладаць дысцыплінарныя спагнанні.
Не пацвердзілася і версія праблемаў у сям’і, як падставы для самагубства. З мужам выкладчыца разышлася яшчэ ў 2008 г.
Следства выявіла, што жанчына пакутавала на дэпрэсію і раней спрабавала здзейсніць самагубства. У сваёй перадсмяротнай запісцы яна папрасіла нікога не вінаваціць у гэтым учынку і папрасіла за яго прабачэння.