У першы дзень Гульняў беларускія біятланісты заваявалі чатыры ўзнагароды.
Другое месца ў спрынтарскай гонцы на 7,5 кіламетраў для атлетаў з парушэннем апорна-рухальнага апарата заняў Дзмітрый Лобан у катэгорыі LW12.
У спрынтарскім заездзе сярод спартсменаў з парушэннямі зроку ў катэгорыі В3 сярэбраная ўзнагарода ў актыве Юрыя Голуба.
Беларуска Лідзія Графеева ў спрынце на 6 кіламетраў у катэгорыі LW12 заваявала «бронзу». Трэцяе месца таксама ў Святланы Саханенка ў катэгорыі В2 для атлетаў з парушэннямі зроку.
У лыжных гонках, біятлоне і гарналыжным спорце спартоўцы з абмежаванымі магчымасцямі спаборнічаюць у трох катэгорыях, якія ў сваю чаргу падзяляюцца на класы ў залежнасці ад стану канцавінаў – некаторыя атлеты могуць выкарыстоўваць лыжныя палкі, а некаторыя – не, некаторыя перасоўваюцца на лыжах, а некаторыя сядзяць на адмысловай «моналыжы».
Адмысловая сістэма падлічвае вынік спартоўца ў адпаведнасці з прысвоеным яму класам, выкарыстоўваючы матэматычныя формулы, якія распрацоўвае Міжнародны паралімпійскі камітэт.
Функцыянальны стан атлета можа змяняцца, таму кожны спартовец праходзіць класіфікацыю некалькі разоў на працягу свайго паралімпійскай кар’еры.
