Кіраўнік ПВК Вагнэра Яўгеній Прыгожын заявіў, што ягоныя падраздзяленні «юрыдычна» захапілі Бахмут. У якасці доказу Прыгожын падняў расейскі сцяг на будынку гарадской адміністрацыі.
Стваральнік ПВК Вагнэра Яўгеній Прыгожын 2 красавіка позна ўвечары распавёў, што расейскія войскі захапілі будынак гарадской адміністрацыі гораду, і гэта, маўляў, азначае «юрыдычнае» ўзяцце Бахмуту. Таксама Прыгожын заявіў, што над будынкам вывесілі расейскі сцяг з надпісам «Светлая памяць Уладлену Татарскаму», які загінуў 2 красавіка падчас выбуху ў кавярні ў Санкт-Пецярбурзе.
Пры гэтым Прыгожын дадаў, што захад гораду кантралююць ЗСУ.
Раней расейскія войскі ўжо не раз заяўлялі, што ўзялі Бахмут, але ўкраінскія вайскоўцы насамрэч надалей трымаюць абарону.
Алена Аляксандрава belsat.eu