[vc_row][vc_column][vc_raw_html]JTNDaWZyYW1lJTIwd2lkdGglM0QlMjI1NjAlMjIlMjBoZWlnaHQlM0QlMjIzMTUlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGVmVVaGdaYzFXNWslMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][vc_column_text]Сябра Віцебскага таварыстве аховы помнікаў распавяла «Белсату», што паводле паходжання яна – беларуска, але паводле нацыянальна-культурнай ідэнтычнасці не адрозніваецца ад расейцаў Разаншчыны і Падмаскоўя.
«Ужо ў Полацкім княстве нашыя гісторыкі знайшлі беларускую дзяржаўнасць! У расейскім Полацкім княстве! […] Гэта была расейская гісторыя, ішоў адзіны цывілізацыйны праваслаўна-расейскі працэс на ўсіх прасторах Усходняй Еўропы», – тлумачыць «Белсату» Муза Тарасевіч.
Муза Тарасевіч
У 2015 годзе яна ўдзельнічала ў канферэнцыі на тэму «Неапраўдана ўзнесеныя. Радзівілы ў гісторыі Беларусі», пра якую пісала агенцтва «Regnum».Там яна заявіла, што ёсць «асноўная маса расейскіх беларусаў у РБ», але таксама «ёсць нерасейскія беларусы» – культурны феномен, які сфармаваўся пад уплывам каталіцкай экспансіі на рубяжы XIX -XX стагоддзяў, прадстаўнікі якога адчуваюць сябе асобным народам. «Нам трэба вярнуць мясцовую расейскую нацыянальную самасвядомасць», – сказала яна прысутным.
Яшчэ ў 1994 годзе Муза Тарасевіч у суаўтарстве з Уладзімірам Алейнікавым выдала кнігу. Ейная частка называлася «Нацыянальна-культурны склад карэннага народа Беларусі», ягоная – «Гістарычныя рэгіёны Русі. Новая канцэпцыя».
У Віцебску побач з помнікам князю ВКЛ Альгерду стаіць Аляксандр Неўскі з жонкаю – Віцебскаю княжной – і сынам. Дзвюх абсалютна супрацьлеглых паводле ролі ў гісторыі гістарычных постацяў. Падрабязней пра вайну помнікаў у Беларусі – глядзіце ў выданні праграмы «Людскія справы» (відэа вышэй).
Праграма «Людскія справы» выходзіць на «Белсаце» кожны чацвер а 18:55.
Глядзець іншыя выданні праграмы
ІА, belsat.eu
