Ад атручвання сурагатным алкаголем ужо памерлі 74 чалавекі.
У рамках расследавання справы затрымалі толькі прадаўцоў, а не вытворцаў падробкі.
«Сярод затрыманых – уладальнікі кіёскаў, якія гандлявалі спіртазмяшчальнай вадкасцю, прадаўцы – у асноўным жанчыны з дзецьмі, несудзімыя раней, ёсць нават кіроўцы. Няма ніводнага вытворцы », – цытуе «Інтэрфакс» прадстаўніка Ленінскага раённага суда Іркуцка.
Сярод затрыманых ёсць выхадцы з Азербайджана, якія папрасілі, каб на пасяджэння прысутнічалі перакладчыкі. Усяго затрыманыя 13 чалавек, некалькі фігурантаў адправілі пад хатні арышт, іншым абяруць меру стрымання ў бліжэйшы час.
У горадзе працягваюцца рэйды па гандлёвых кропках, дзе прадаюць кантрафактны алкаголь.
Масавае атручванне сурагатным алкаголем адбылося ў мікрараёне Нова-Леніна Іркуцку. Пацярпелыя ва ўзросце 25-50 гадоў сталі паступаць у лякарні з вечара 17 снежня. Паводле папярэдніх звестак, усе яны ўжывалі спіртавую вадкасць – парфумерна-касметычны сродак «Канцэнтрат для ваннаў «Глог». Міністэрства аховы здароўя рэгіёну паведаміў, што атручванне выклікаў метылавы спірт або метанол, які ўтрымліваўся ў канцэнтраце, хоць на ўпакоўцы ў складзе значыўся этылавы спірт.
ДР belsat.eu паводле meduza.io