Самыя высокія заробкі цягам года традыцыйна мелі салігорскія працаўнікі. Намінальная налічаная сярэднямесячная заработная плата ў лістападзе 2016 году ў Салігорску склала 1049,3 BYN.
Другое месца ў краіне па ўзроўню заробкаў вытрымлівае сталіца. Сярэднемесячны заробак менчукоў складае 1008,2 BYN. Трэці радок у рэйтынгу займае Наваполацк. Сярэднія заробкі жыхароў гэтага гораду – 819,4 BYN.
Сітуацыя ў абласных гарадах выглядае так: у Горадні сярэдні заробак складае 717,5 BYN, у Берасці 705,6 BYN, у Гомлі – 683,5 BYN, у Віцебск 664, 1 BYN.
Найгорш за ўсіх жывуць на Шаркаўшчыне. Сярэдні заробак рэгіёну складае 433 BYN. Гадамі шаркаўшчынскі раён займае то апошні то перадапошні радок у спісе самых бедных раёнаў Беларусі.
Што кажуць самі жыхары Шаркаўшчыны?
У мяне брат працуе і братоўка. Яны ўвогуле не атрымліваюць заробку. Ім плацяць праз месяцы тры».
«Цяжка з працаўладкаваннем, у арганізацыях і на вытворчасці ідуць скарачэнні».
«У кагосьці ёсць падсобная гаспадарка, за кошт яе спрабуюць выжываць, агароды, градкі свае трымаем».
Сітуацыю каментуе эканаміст Міхал Залескі:
«У Віцебскай вобласці пачалася дэпапуляцыя ў вясковай мясцовасці, а зараз і ў гарадской. Гэта мясцовасць у Еўропе, якая вымірае, нічога там добрага не будзе».
Спецыяліст мяркуе, што ў такой сітуацыі патрэбна аддаць зямлю тым, хто яе апрацоўвае – гэта самая простая рэформа.
Чытайце на belsat.eu
- “Пераломны 2017” і высокія заробкі: навагодні зварот Лукашэнка
- На Магілёушчыне працягваюць падаць заробкі
- Эканаміст пра абяцанне Лукашэнкі даць заробкі $ 500
Інтэрактыўную інфаграфіку можна паглядзець на сайце belapan.by
ВД
