[vc_row][vc_column][vc_images_carousel images=”31682,31678″][/vc_column][/vc_row]Літоўскі суд прызнаў віну Рамуалдаса Ліпскіса, які супрацоўнічаў з беларускімі спецслужбамі.
Літовец працаваў на авіяцыйным прадпрыемстве «Оро навігацыя» і збіраў звесткі, якія пасля перадаваў працаўніку беларускіх спецслужбаў.
Рамуалдас Ліпскіс знаходзіцца за кратамі з 24 студзеня мінулага года – то бок ужо год і 4 месяцы. Увесь гэты час вялося расследаванне.
«19 кастрычніка 2012 Ліпскіс сфатраграфаваў сакрэтныя дакументы і схемы, гэта інфармацыя была перададзеная для вывучэння прадстаўніку замежнай выведкі», – заявіў суддзя.
Паводле суддзі, Рамуалдаса Ліпскіса курыраваў прадстаўнік беларускай выведкі Сяргей Куруленка.
Вядома, што Куруленка апроч усяго самастойна збіраў інфармацыю пра літоўскія аэрадромы – яго зафіксавалі камеры відэаназірання побач аэрадромам ля адной з вайсковых частак.
На меркаванне суду, не ўсе сабраныя матэрыялы дасудовага расследавання, што мелі б сведчыць пра віну Ліпскіса, пацверджаныя. Суд адзначыў, што пасля 22 кастрычніка 2012, інфармацыя пра дзейнасць Ліпскіса была атрыманая незаконна.
Асуджаны літовец можа падаць апеляцыю. Генпракуратура прасіла для Рамуалдаса Ліпскіса 8 гадоў пазбаўлення волі.
НМ, belsat.eu, паводле Delfi, фота Delfi