Прэс-служба Аляксандра Лукашэнка 31 жніўня распавяла падрабязнасці размовы з Уладзімірам Пуціным, якая адбылася напярэдадні.
Як паведамляецца, Лукашэнка і Пуцін дамовіліся правесці сустрэчу на палях саміту Шанхайскай арганізацыі супрацы, які пройдзе 15-16 верасня ва Узбекістане. Таксама яны абмеркавалі графік далейшых кантактаў у цэлым, двухбаковыя стасункі, «найбольш актуальныя пытанні і сітуацыю ў рэгіёне і свеце».
Таксама саміт ШАС абмяркоўваўся з прэзідэнтам Узбекістану Шаўкатам Мірзіёевым.
На саміце ва Узбекістане рэжым Лукашэнкі плануе далучыць Беларусь да ШАС.
Пра размову з Пуціным стала вядома яшчэ 30 жніўня, але прэс-служба Лукашэнкі содні не паведамляла пра яе. Як паведамілі ў Крамлі, падчас тэлефоннай размовы яны абмеркавалі «двухбаковы парадак дня, а таксама сітуацыю ва Украіне».
Якуб Хруст belsat.eu
