Група людзей прайшла цэнтрам Менску, ухваляючы расейскую агрэсію ва Украіне. Шэсце, узгодненае Менгарвыканкамам, прыцягнула ўвагу блізу ста чалавек. Відавочцы сцвярджаюць, што «калона» людзей выкрыквала лозунгі «За Данбас!» і «Беларусь за Расею!» – паведамляе Антон Матолька.
Калона прайшла ад плошчы Незалежнасці да плошчы Перамогі, дзе ўдзельнікі акцыі ўсклалі кветкі да вечнага агню. Людзі трымалі расейскія сцягі і палотнішча чырвона-зялёнага колеру, а таксама эмблемы з літарамі «Z» i «V».
Міліцыя ніякім чынам не рэагавала на шэсце. У той жа час улады Беларусі ўсяляк замінаюць беларусам выяўляць салідарнасць з Украінай. Людзей арыштоўваюць, трымаюць у нялюдскіх умовах і прымушаюць здымаць пакаянныя відэа на фоне знакаў «Z» i «V», забароненых у шмат якіх краінах свету.
ЗХ belsat.eu