Беларускі бізнесоўца, якога называюць кашальком Лукашэнкі, Аляксандр Шакуцін працягвае весці прыбытковы бізнес у Нямеччыне. І зарабляе грошы нягледзячы нават на санкцыі ЕЗ. Журналісты Беларускага расследавальнага цэнтру даведаліся, якім чынам алігарх абыходзіць санкцыі. Матэрыял створаны пры садзейнічанні «JournalismFund».
Беларускія журналісты-расследавальнікі выявілі, што ў Нямеччыне працуе фірма «SV MASCHINEN», якая належыць алігарху Аляксандру Шакуціну. Гэтай фірмай гаманец Лукашэнкі, які патрапіў пад санкцыі ЕЗ, кіруе праз літоўскую фірму і пастаўляе сельгастэхніку ва Усходнюю Еўропу. Бізнесоўца стварыў заблытаную структуру ўласнікаў, у якой у Нямеччыне не разабраліся.
Журналісты звярнуліся ў Міністэрства фінансаў Нямеччыны за афіцыйным каментаром і чакаюць на адказ.
Кветкавы бізнес
Вядома, што акрамя пастаўкі сельгастэхнікі з краінаў Захаду, Аляксадр Шакуцін мае кветкавы бізнес. Разам са сваёй другой жонкай 22-гадовай Марыя Сакіркінай Шакуцін валодае кампанія «Белтаможвілія». Кампанія займаецца рээкспартам кветак у Расею. У Беларусі кампанія, згодна з указам Аляксандра Лукашэнкі, вызваленая ад выплаты ПДВ. Паводле гэтага ўказу беларускія рээкспарцёры атрымалі магчымасць не выплачваць падаткі ў дзяржбюджэт і зарабляюць на гэтым звышпрыбыткі.
Выручка «Белтаможвіліі» за два гады склала $ 264 мільёны.
Аляксандр Шакуцін таксама з’яўляецца ўласнікам холдынгу «Амкадор». Пры гэтым кампанія працуе са стратамі. Але кампенсуе гэтыя страты Шакуцін з дапамогай пазыкаў з дзяржаўнага бюджэту. Іх памер на канец 2021 году склаў каля $120 мільёнаў.
Паводле некаторых падлікаў, бізнес сям’і Шакуціных абыходзіцца беларускім падаткаплатнікам у $ 100 мільёнаў.
Алена Аляксандрава belsat.eu
