У Ізраілі і Францыі не сціхаюць пратэсты, Каліфорнія пад вадой. Галоўныя падзеі тыдня

Ізраільцяне пратэстуюць супраць планаў урада прэм’ер-міністра Бэньяміна Нэтаньягу перагледзець судовую сістэму. Прыхільнікі судовай рэформы імкнуцца пазбавіць Вярхоўны суд краіны магчымасці адмяняць рашэнні заканадаўчай і выканаўчай галінаў улады. Тэль-Авіў, Ізраіль.

Зорнае скопішча галактыкі Птушыная Дарога (Млечны Шлях) з акругі Бадунг (Badung) на інданезійскім курортным востраве Балі.

Белая мядзведзіца стрэсвае лішнюю ваду пасля купання ў Нідэрландах.

Пратэстуючы кідае бутэлькавае шкло ў будынак Цэнтральнага банку Лівана, падчас мітынгу супраць кіраўніка Цэнтрабанку Рыяда Салямэ (Riad Salameh), якога абвінавацілі ў карупцыі і паглыбленні фінансавага крызісу ў Бейруце, Ліван.

Дзяўчына цалуе свайго хлопца, вайскоўца Збройных сілаў Украіны, на вакзале ў Краматорску, Украіна.

У Францыі не сціхаюць масавыя пратэсты супраць павышэння пенсійнага ўзросту з 62 да 64 гадоў. Адпаведны закон Эмануэль Макрон прыняў без галасавання ў Нацыянальнай асамблеі, пасля чаго пачалася агульнанацыянальная забастоўка, якая трывае ўжо дзясяты дзень. Дэманстранты намагаюцца адмены закону. Парыж, Францыя.

Іракскія курды нясуць факелы падчас святкавання Наруза – фестывалю, які адзначае канец Старога і пачатак Новага года і адзначаецца ў дзень астранамічнага вясновага раўнадзенства, якое звычайна адбываецца 21 сакавіка. Святкаванне доўжыцца 13 дзён. Акрах (Aqrah), Ірак.

Беразе ракі Ямуна (Yamuna), які пакрыты таксічнай пенай, выкліканай прамысловымі выкідамі напярэдадні Сусветнага дня вады ў Нью-Дэлі. Сусветны дзень водных рэсурсаў праводзіцца штогод 22 сакавіка як сродак засяроджвання ўвагі на важнасці прэснай вады і прапаганды ўстойлівага кіравання рэсурсамі прэснай вады. Нью-Дэлі, Індыя.

Мусульманскія вернікі збіраюцца перад Каабай, святыняй ісламу, каб выканаць Магрыбскую малітву на заходзе сонца, каб адзначыць канец першага дня посту свята Рамадан, у Вялікай мячэці. Мекка (Mecca), Саудаўская Аравія.

Пікап едзе па затопленай дарозе ў Цэнтральнай даліне падчас паводкі з-за зімовых штормаў у акрузе Тулэйры (Tulare), штат Каліфорнія, ЗША.

Параненага ўкраінскага вайскоўца вывозяць з лініі фронту пад Бахмутам, Данецкая вобласць, Украіна.

Актывісты ляжаць на сухой глебе падчас экалагічнай дэманстрацыі з заклікам да кліматычных дзеянняў ля вадасховішча Ля-Віннюэля (La Viñuela). У сувязі з высокімі тэмпературамі і малой колькасцю ападкаў на працягу апошніх некалькіх гадоў, Іспанія знаходзіцца ў перыядзе працяглай засухі. Малага, Іспанія.

Прэзідэнт Украіны Уладзімір Зяленскі абдымаецца з ваеннаслужачай пасля сустрэчы з вайскоўцамі і ўручэння ўзнагарод недалёка ад Бахмута, Данецкая вобласць, Украіна.