У міжнародным аэрапорце «Eleftherios Venizelos» экстранна сеў самалёт «Ryanair», які кіраваўся з Польшчы. Прычынаю для пасадкі сталася паведамленне пра наяўнасць бомбы на борце самалёта, паведамляе выданне protothema.gr.
Самалёт «Ryanair».
Фота: Shutterstock / Rebius
«Boeing 737» са 192 пасажырамі экстранна прызямліўся ў аэрапорце «Eleftherios Venizelos». Самалёт ляцеў з Польшчы. Пасадка адбывалася ў суправаджэнні знішчальнікаў F-16.
Пасля прызямлення пасажыраў эвакуявалі, стварыўшы вакол борта спецыяльную зону. Улады скіравалі туды кіналагічную каманду.
Паведамляюць, што падчас таго, як самалёт «Ryanair» пралятаў над марскою прасторай, яго суправаджалі вугорскія знішчальнікі.
Абноўлена
У Непале разбіўся самалёт. Пацверджаная гібель 72 асобаў
2023.01.15 11:08
Алена Аляксандрава belsat.eu
