Сустрэча адбылася ў Канадзе на Міжнародным форуме бяспекі.
Пра сустрэчу са Святланаю Ціханоўскаю былы прэзідэнт Украіны Пётр Парашэнка паведаміў у сваім Twitter:
«Важная сустрэча з лідаркаю беларускай апазіцыі Святланаю Ціханоўскаю. Мы скаардынавалі супольныя захады для супрацьдзеяння расейскім захопнікам і выкарыстання імі тэрыторыі Беларусі ды яе інфраструктуры для нападаў на Украіну».
Раней, у пачатку верасня, Святлана Ціханоўская сустрэлася з пазаштатным дарадцам Офісу прэзідэнта Украіны Аляксеем Арэстовічам у Вільні.
Аднак сам прэзідэнт Украіны Уладзімір Зяленскі дасюль афіцыйна не сустрэўся з Ціханоўскай. Іхная неафіцыйная і адзіная сустрэча адбылася ў Вільні ў ліпені 2021 года.
Алена Рувіна belsat.eu