Камітэт абароны расейскай Дзярждумы перад другім чытаннем зацвердзіў папраўкі ў законапраект аб падвышэнні прызыўнога ўзросту, паведамляе ТАСС. У выніку прызываць на тэрміновую службу ў армію ў Расеі плануюць з 18 да 30 гадоў.
Раней планавалася, што падвысяць не толькі верхнюю, але і ніжнюю мяжу прызыўнога ўзросту і будуць прызываць у армію не з 18, а з 21 года. Аднак цяпер ад падвышэння ніжняй мяжы адмовіліся, бо нібыта самі прызыўнікі былі супраць.
«Галоўная папраўка, што верхняя мяжа – гэта 30 гадоў, а ніжнюю мяжу вырашана пакінуць 18 гадоў, таму што вельмі шмат хлопцаў хочуць пайсці і служыць менавіта ў 18 гадоў», – цытуе ТАСС старшыню камітэту абароны Андрэя Картаполава.
Новаўвядзенні не павінны закрануць бліжэйшы восеньскі прызыў у РФ.
Марыя Міхалевіч belsat.eu