Вайскова-патрыятычныя клубы ў Беларусі – годная замена для ўнутраных войскаў. Пра гэта заявіў намеснік міністра ўнутраных справаў – камандуючы ўнутранымі войскамі Мікалай Карпянкоў, перадае БелТА.
«Літаральна за гэтыя паўтара года, што ў нас існуюць вайскова-патрыятычныя клубы, склаліся вельмі моцныя, магутныя, няхай і юнацкія, але вайсковыя калектывы. І мы іх успрымаем як паўнавартасных абаронцаў нашай айчыны. Самае галоўнае, што і дзеці адчуваюць сваю датычнасць, успрымаюць сябе як паўнавартасных байцоў, абаронцаў радзімы, ад якіх ужо нешта залежыць», – сказаў намеснік міністра.
Паводле яго, унутраныя войскі МУС такім чынам «рыхтуюць сабе годную змену».
На дзень 9 сакавіка пры вайсковых частках МУС працавалі 18 вайскова-патрыятычных клубаў для дзяцей і яшчэ 11 былі пры вайсковых частках Міністэрства абароны.
Якуб Хруст belsat.eu