Сёння на вуліцы Бабруйску выйшлі два чалавекі з расцяжкаю «Мы супраць вайны».
Напярэдадні адна з удзельніц пікету, бабруйка Галіна Смірнова, падала заяўку ў выканкам, які ў правядзенні пікету адмовіў. Тым не менш жанчына выйшла на вуліцы Бабруйску.
«Мы хочам звярнуць увагу людзей, уладаў на тое, што мы – на парозе вайны, а людзі гэтак мала пра гэта ведаюць, а калі ведаюць, то часта гэта скажоная інфармацыя, – кажа Галіна. – Мяне як маці, як бабулю гэта вельмі непакоіць. Калі мы цяпер не адрэагуем, нам гэтага не прабачаць дзеці ды ўнукі».
Пікет прайшоў спакойна. Галіне і ейнаму сябру ніхто не перашкаджаў прайсці з расцяжкаю па адной з буйных вуліцаў Бабруйску. Аўтамабілі, што праязджалі міма, сігналілі. Калі Галіна была каля свайго дому, побач спынілася міліцэйская машына. Міліцыянты папрасілі паказаць дакументы і плакат, пасля чаго Галіна змагла спакойна пайсці дадому.
ММ, belsat.eu
