Пра тое, што да Вярхоўнай рады рухаецца калона з некалькіх тысяч чалавек, дэпутатам на пасяджэнні паведаміў лідар парламенцкай фракцыі «Батьківщина» Арсеній Яцэнюк. Ён заклікаў дэпутатаў прагаласаваць за праект новай канстытуцыі ў Канстытуцыю. У выніку спікер Уладзімір Рыбак паведаміў, што паседжанняў рады не будзе, пакуль не будуць распрацаваныя змены ў канстытуцыю.
Маршрут удзельнікаў пратэстаў праходзіў па вул. Інстытуцкай і далей па ўрадавым квартале ў Кіеве. Пра намер правесці мірны марш да Вярхоўнай Рады ў сераду заявіў камендант Еўрамайдану, дэпутат ад фракцыі «Батьківщина» Андрій Парубій.
У сераду на чарговым пасяджэнні ўкраінскі парламент гэтак і не змог знайсці выйсця з палітычнага крызісу ў краіне. Спікер абвесціў перапынак да ранку чацвярга.
Сёння ж Еўрапарламент мае ўхваліць рэзалюцыю ў справе Украіны. У праекце ёсць пункт пра персанальныя санкцыі супраць чыноўнікаў, датычных да брутальных разгонаў і пераследу дэманстрантаў.
АК, belsat.eu