Вярхоўная Рада не падтрымала праекту адстаўкі кіраўніка ўкраінскага ўраду.
Вярхоўная Рада не падтрымала праекту пастановы аб адстаўцы Кабінету Міністраў Украіны. Як перадае УНІАН, за гэтае рашэнне прагаласавалі 186 народных дэпутатаў з 338 зарэгістраваных у сесійнай зале.
Ад Партыі рэгіёнаў за адстаўку ўраду прагаласаваў адзін дэпутат, ад партыі «Батьківщина» – 90, ад партыі УДАР – 42, ад «Свободы» – 36 і 17 пазафракцыйных чальцоў Вярхоўнай Рады.
Для адстаўкі ўраду неабходна 226 галасоў.
{movie}Нагаласавалі 186 “за” 226 патрэбных|right|13598{/movie}
Ініцыятарамі адстаўкі ўкраінскага ўраду сталі прадстаўнікі апазіцыі, якія разам з тысячамі людзей, што цяпер пратэстуюць на вуліцах украінскай сталіцы, патрабуюць змены вонкавапалітычнага вектару краіны на еўрапейскі.
Зараз апазіцыя заклікае мітынгоўцаў ісці ў адміністрацыю прэзідэнта і патрабаваць падпісаць указ аб адстаўцы ўрада. Прэзідэнт тым часам пакінуў краіну і накіраваўся з візітам у Кітай.
Сачыце за падзеямі у Кіеве ТУТ. Усе он-лайны – у адным месцы!
Ю.В. паводле unian.net
