{movie}Расея ці Еўразвяз? Няпросты выбар Украіны (“Размова Мацкевіча”)|right|12816{/movie}
Калі асацыяцыя Украіны з ЕЗ адбудзецца, то яна значна зменіць усю канфігурацыю на ўсходніх межах Еўразвязу і паўплывае на сітуацыю ў рэгіёне. “Рэгіён будзе падзелены на дзве няроўныя часткі: тыя краіны, што імкнуцца да асацыяцыі з ЕЗ, і тыя, што застаюцца ззаду. Перадусім гэта Беларусь і Азербайджан”, – гаворыць госць праграмы.
“Тое, што цяпер можна атрымаць ад Мытнага саюзу, – гэта кароткачасовыя энергетычныя субсідыі. Тое, што цяпер могуць атрымаць краіны, – вельмі важна, але не далучаючыся да працэсу збліжэння з Еўразвязам, мы губляем у развіцці. Сёння мы атрымаем троху грошай, але заўтра – губляем будучыню. Калі мы выбіраем толькі бліжэйшую перспектыву, то расплачвацца за гэты выбар давядзецца наступным пакаленням беларусаў”, – падкрэслівае Андрэй Ягораў.
Ці паўстане перад падобным выбарам – паміж Захадам і Усходам – і нашая краіна? Глядзіце “Размову Мацкевіча”!
МЛ, belsat.eu