Ці патрэбныя дзіцячыя працоўныя лагеры, запыталі беларусаў рэпарцёры праграмы «Маю права».
Менскія ўлады пастанавілі на час летніх вакацыяў стварыць працоўныя лагеры для старшакласнікаў. За дзіцячую працу гатовыя заплаціць да Br 1 млн за месяц. Ці падтрымліваюць гэтую ідэю бацькі ды самі школьнікі, высвятлялі журналісты праграмы «Маю права».
Праграму «Маю права» можна прагледзець цалкам у архіве праграмаў, а таксама ў онлайн-трансляцыі «Белсату» кожную сераду а 20:35.
{movie}Апытанне: Ці патрэбныя дзіцячыя працоўныя лагеры? |right|10937{/movie}
Адны беларусы лічаць, што працаваць мусіць кожны, нават дзеці. «Дзеці мусяць зарабляць грошыкі, якія потым цэняць», – лічыць спадарыня. «Дзеці, прывучаныя ў Савецкім Саюзе да працы, былі дысцыплінаваныя і добра вучыліся, трэба гэта адраджаць», – пахваліла працоўныя лагеры для дзяцей беларуска.
Іншыя падкрэсліваюць, што ўсё мусіць адбывацца дабравольна. «Калі дзіця хоча, хай ідзе, але сілком туды заганяць не трэба», – мяркуе адна з мамаў. Некаторыя ж з беларусаў дадаюць, што дзіцячыя працоўныя лагеры будуць нагадваць ГУЛаг, у якія будуць заганяць, каб «зрабіць чалавека шчаслівым».
Падрабязнасці – у відэаматэрыяле.
МЯ, belsat.eu