Беларускі Чырвоны Крыж прапануе беларусам аддаць свае дроны ў якасці ахвяраванняў: захоўваць іх хутка будзе нельга, а Чырвонаму Крыжу яны патрэбныя.
«Супрацоўнікі Беларускага Чырвонага Крыжа ў сваёй дзейнасці па аказанні дапамогі пацярпеламу насельніцтву часта выкарыстоўваюць дроны для ацэнкі сітуацыі і рэагавання на яе. Гэта датычыцца абстаноўкі, звязанай з умовамі надвор’я – паводкамі, багатымі ападкамі, а таксама пры пошуку людзей, якія страціліся ў лясах, магчымасці хуткага аказання першай дапамогі. Наша каманда гатова прыняць ад насельніцтва ў якасці ахвяравання дроны для іх далейшай эксплуатацыі пры рэагаванні на надзвычайныя сітуацыі», – заяўляе арганізацыя.
Нагадаем, згодна з указам Лукашэнкі з 25 сакавіка 2024 года фізічным асобам будзе забаронена захоўваць і карыстацца беспілотнікамі.
1 снежня членства Беларускага Чырвонага Крыжа ў Міжнароднай федэрацыі таварыстваў Чырвонага Крыжа і Чырвонага Паўмесяца было прыпынена. Арганізацыя пазбавілася фінансавання ад Міжнароднай федэрацыі.
СП, belsat.eu