У сталічнай школе № 165 былі выяўленыя выпадкі вострай кішачнай інфекцыі, паведамляе афіцыйны тэлеграм-канал Міністэрства аховы здароўя.
Дзеці, у якіх выявілі прыкметы інфекцыі, змешчаныя ў сталічную лякарню на дадатковае абследаванне. Канкрэтную колькасць шпіталізаваных дзяцей ведамства не ўказвае.
У самой школе праводзяцца санітарна-проціэпідэмічныя мерапрыемствы і эпідэмічнае расследаванне, падчас якіх ідзе ацэнка арганізацыі харчавання, у тым ліку ўмоваў прыгатавання і рэалізацыі страваў.
Для лабараторных даследаванняў узялі пробы гатовых страваў і вады. Персанал, які працаваў у школьнай сталоўцы, абследаваны на прадмет кішачнай групы інфекцыяў.
Раман Шавель belsat.eu