На электронным аўкцыёне «БелЮрЗабеспячэнне» 9 красавіка з другой спробы прадалі арыштаваную нерухомасць сям’і Валерыя Цапкалы – прэтэндэнта на пасаду прэзідэнта Беларусі.
Пачатковы кошт маёмасці на таргах 9 красавіка складаў 286 753 рублёў 76 капеек. Гэта было на 71 000 рублёў менш, чым на папярэднім аўкцыёне. Удзел у аўкцыёне ўзялі трое ўдзельнікаў. У выніку кватэра прадалі за 395 720 рублёў 27 капеек.
Трохпакаёвая кватэра Цапкалаў месціцца ў доме № 5 на вуліцы Чарнышэўскага. Агульная плошча жытла – 103,7 квадратнага метра. У кватэры зарэгістраваны адзін чалавек. Разам з жытлом прадаецца парковачнае месца на падземнай аўтастаянцы.
Першы раз кватэру, якая належыць Валерыю Цапкалу, выставілі на аўкцыён 12 лютага. Пачатковы кошт маёмасці складаў 358 442,2 руб. Гандляванні прызначылі на 27 лютага, але яны не адбыліся: не было ахвочых набыць кватэру.
У Беларусі сям’я Цапкалаў не жыве з лета 2020 года, асцерагаючыся палітычнага пераследу. Цяпер сужэнцы застаюцца ў Латвіі. Валерыя Цапкалу на радзіме завочна асудзілі на 17 гадоў калоніі ўзмоцненага рэжыму.
Вераніка Цапкала папярэдзіла будучых пакупнікоў жытла, што сям’я «абавязкова вернецца дадому і запатрабуе аплаты арэндных плацяжоў за ўвесь перыяд карыстання маёмасцю».
Якуб Хруст belsat.eu
