Колішняга прэс-сакратара Купалаўскага тэатру, імаверна, абвінавацілі ў здрадзе дзяржаве
Сукамернікі колішняга прэс-сакратара Купалаўскага тэатру Мікалая Зайца паведамілі, што яго дапытвалі паводле справы аб здрадзе дзяржаве. Імаверна, менавіта ў гэтым злачынстве мужчыну абвінавачваюць, піша выданне «Зеркало». Такім чынам, Зайцу можа пагражаць ад 7 да 15 гадоў зняволення.
Былога прэс-сакратара Купалаўскага тэатру Мікалая Зайца затрымалі 13 сакавіка, у ягонай кватэры зладзілі ператрус. Спачатку мужчыне прызначылі 12 содняў арышту, а потым яшчэ 14.
Сукамернікі Зайца, якія выйшлі на волю, паведамілі, што яго дапытвалі паводле справы аб здрадзе дзяржаве. Імаверна, менавіта такое абвінавачванне выставілі мужчыну. Максімальнае пакаранне, прадугледжанае гэтым артыкулам, – 15 гадоў калоніі.
Мікалай Заяц працаваў у Тэатры імя Янкі Купалы з 2020 года і не сышоў адтуль на знак пратэсту разам з артыстамі. Мужчыну звольнілі ў сакавіку 2021-га, калі знайшлі яму замену.
Сяргей Крот belsat.eu
