Колькасць беларусаў у Літве зараз перавышае 58 000 чалавек, за паўгода іх колькасць вырасла на 10 000, такія статыстычныя дадзеныя прывёў Дэпартамент міграцыі Літвы.
У літоўскім ведамстве адзначылі, што станам на 1 ліпеня 2023 года ў краіне пражывае 195 550 іншаземцаў, у той час як у студзені было 180 411. Такім чынам, колькасць замежнікаў павялічылася на больш як на 6000 чалавек.
Згодна з дадзенымі Дэпартамента за апошнія паўгода колькасць беларусаў вырасла з 48 804 да 58 347 чалавек.
«Грамадзяне Беларусі застаюцца адной з самых вялікіх групаў іншаземцаў, якія прыязджаюць у Літву на заробкі, саступаючы толькі ўкраінцам, – адзначае Эвеліна Гудзінескайце, дырэктарка Дэпартамента міграцыі. – На іх не распаўсюджваюцца іміграцыйныя абмежаванні з-за ваеннай агрэсіі супраць Украіны, таму беларусы могуць бесперашкодна атрымаць від на жыхарства ў Літве».
Таксама павялічылася і колькасць расейцаў у краіне з 15 706 да 16 193 чалавек, але найбольшай групай усё адно застаюцца ўкраінцы, хоць іх колькасць за паўгода, наадварот, паменшылася. Зніжэнне ў дэпартаменце звязваюць са зменамі ў міграцыі ўцекачоў з украінскай вайны.
Раман Шавель belsat.eu
