#РЭПРЭСІІ Ў БЕЛАРУСІ
Палітвязень Дзмітрый Семчанка цалкам адбыў тэрмін зняволення і выйшаў на волю, паведамляе «Наша Ніва».
Палітзняволеныя ксёндз Генрых Акалатовіч і айцец Анджэй Юхневіч не ўвайшлі ў лік 16 памілаваных зняволеных, пра якіх сталася вядома 2 ліпеня, пры гэтым ёсць надзея на хуткае вызваленне Акалатовіча – яго перавялі ў менскае СІЗА, піша «KATOLIK.LIFE» са спасылкаю на інфармацыю вернікаў.
Літоўскі паэт і савецкі дысідэнт, адзін з першых праваабаронцаў у СССР Томас Венцлова звярнуўся да Папы Рымскага Лео XIV з просьбай умяшацца і патрабаваць неадкладнага вызвалення з турмы палітвязня, лаўрэата Нобэлеўскай прэміі міру Алеся Бяляцкага. Пра гэта паведамляе былы палітвязень і праваабаронца Леанід Судаленка.
Гісторыка і бізнесмена Алега Зелянко пакаралі за «садзейнічанне экстрэмісцкай дзейнасці». Верагодна, ён у калоніі, піша «Наша Ніва».
У цэнтры Варшавы з 17 чэрвеня працуе арт-інсталяцыя «Нязломныя», прысвечаная палітзняволеным праваабаронцам «Вясны» Валянціну Стэфановічу, Алесю Бяляцкаму, Уладзю Лабковічу і Марфе Рабковай, піша «Вясна».
ЗША могуць дамовіцца з Аляксандрам Лукашэнкам пра зняцце санкцыяў у абмен на вызваленне палітвязняў. Такую думку выказаў у эфіры «Белсату» дарадца Агенцтва еўраатлантычнага супрацоўніцтва Антон Пянькоўскі ў сувязі з чаканым візітам спецыяльнага пасланніка прэзідэнта ЗША ў справах Украіны Кіта Келага ў Беларусь.
У Горадні пачынаецца чарговы завочны суд за «здраду дзяржаве», а з 2020 года за «здраду дзяржаве» былі асуджаныя мінімум 107 чалавек, паведамляе «Вясна». Падрабязней пра гэта і іншыя парушэнні правоў у Беларусі ў аглядзе рэпрэсіяў.
У адным з сюжэтаў БТ Арцём Васільеў расказваў пра жахі чакання ўцякацтва і жыцця ў Нідэрландах, а цяпер, падобна, за кратамі ў Беларусі, піша «Наша Ніва».
Праваабаронцам «Вясны» вядома не менш за пяць выпадкаў, калі беларускія спецслужбы пісалі актывістам. Некаторым прапаноўваюць супрацу ў абмен на бяспеку родных у Беларусі.
У Беларусі да розных відаў адказнасці прыцягнулі 1400 чалавек за 2024 год і першыя 4,5 месяца 2025-га. Гэта адбылося праз «гістарычны максімум» падзяжу жывёлы. Такой інфармацыяй «BELPOL» падзяліўся з «Зеркалом». Пакаранні скіраваныя на тое, каб проста знайсці вінаватых і ўчыніць «эканамічныя рэпрэсіі», якія будуць павялічвацца, выказаў меркаванне «Белсату» прадстаўнік «BELPOL».
Былога міліцыянта Руслана Сахарчука, які вярнуўся з Кеніі і вёў блог пра Афрыку, асудзілі за «распальванне варожасці», даведалася «Наша ніва». Пра гэта ды іншыя парушэнні правоў у Беларусі – у аглядзе рэпрэсіяў.
Сілавікі прыйшлі ў рэдакцыі «Вечернего Бобруйска», Babruisk.info і «Вольнага Глыбокага». На ОНТ з’явіліся відэа допытаў рэдактараў рэгіянальных незалежных медыяў, заўважыла «Наша Ніва». Пра гэта і іншыя парушэнні правоў у Беларусі ў аглядзе рэпрэсіяў.
