Партыя БНФ заявіла пра выхад з праймерыз аб’яднанай апазіцыі, падчас якіх вылучалі адзінага кандыдата на прэзідэнта. Такую заяву 17 сакавіка апублікаваў намеснік старшыні ПБНФ і ўдзельнік кампаніі народнага галасавання Аляксей Янукевіч.
Беларусь перадусімЗаява Партыі БНФ17 сакавіка 2020 годуПартыя БНФ, якая заўсёды стаіць на абароне нацыянальных…
Opublikowany przez Alakseja Janukevicha Wtorek, 17 marca 2020
У заяве адзначаецца, што «першыя сустрэчы ў рэгіёнах засведчылі карыснасць і важнасць Народнага галасавання, прадэманстравалі мабілізацыю дэмакратычнага актыву ды ўвагу грамадства, выклікалі надзею ды надалі аптымізму». Але ў апошнія дні канфлікт паміж прадстаўнікамі правацэнтрысцкай кааліцыі «абвастрыўся да такой ступені, што перакрэсліў усе дасягненні сумеснай працы папярэдніх тыдняў ды фактычна разбурыў адзінства сярод арганізатараў ды ўдзельнікаў Народнага галасавання».
ПБНФ заклікае сустаршыню БХД Паўла Севярынца перагледзець ды скасаваць сваё рашэнне аб выхадзе з працэдуры праймерыз, а сустаршыню «Руху за свабоду» Юрася Губарэвіча – «даць усім удзельнікам працэсу ды грамадскасці вычарпальныя тлумачэнні адносна таго, якім чынам і праз якія каналы быў арганізаваны ўдзел і галасаванне за Юрыя Губарэвіча падазроных удзельнікаў на сходах Народнага галасавання ў Драгічыне, Пінску і Століне».
Пакуль жа Партыя БНФ заяўляе аб сваім выхадзе з дамовы аб праймерыз, а таксама аб выхадзе свайго кандыдата Аляксея Янукевіча з працэдуры Народнага галасавання з 10:00 17 сакавіка.
Пры гэтым ПБНФ заяўляе аб сваёй гатовасці неадкладна і без дадатковых умоваў вярнуцца ў працэс праймерыз, калі канфліктуючыя бакі здолеюць знайсці паразуменне і прозвішча Паўла Севярынца вернецца ў спіс для галасавання па кандыдатурах на адзінага кандыдата. Таксама партыя заклікае запрасіць да ўдзелу ў народным галасаванні Ганну Канапацкую.
17 сакавіка з праймерыз выйшаў лідар гонкі Павел Севярынец. Свае рашэнне ён патлумачыў нежаданнем астатніх удзельнікаў адмяніць праз каронавірус сустрэчу ў Баранавічах, а таксама ўдзелам чыноўнікаў у галасаванні ў Пінску, Століне ды Драгічыне. Нягледзячы на гэта, БХД у праймерыз засталася, хоць і без свайго кандыдата.
МГ belsat.eu
