У Менску і ня толькі сёння праходзіў агульнаграмадзянскі марш салідарнасці. Акцыя стартавала а 14-ай на пр Незалежнасці. А 18 гадзіне медыі ацэньвалі колькасць удзельнікаў ў 270-300 тыс. асобаў.
Акцыі пратэстаў і салідарнасці цягнуцца ў Беларусі ўжо тыдзень і распачаліся 9 жніўня ў асноўны дзень галасавання. Паводле афіцыйнай інфармацыі МУС, за час пратэстаў загінуў адзін чалавек, гэта Аляксандр Тарайкоўскі, з якім развіталіся 15 жніўня.
Але фактычна ахвяраў гвалту з боку сілавых структураў больш. Сёння ў Гомлі развітваюцца з Аляксандрам Віхорам, якога затрымалі ўвечары 9 жніўня ў Гомлі, калі ён ішоў на спатканне з дзяўчынаю. Аляксандра затрымалі і закінулі ў аўтазак. У хлопца былі праблемы з сэрцам. Ён скарадзіўся на кепскае самаадчуванне, але АМАПаўцы не звярталі на гэта ўвагі.
У выніку, калі па хлопца прыехала хуткая дапамога, было ўжо занадта позна. 11 жніўня ён памёр.
Агульнанацыянальныя пратэсты ў Беларусі адбываюцца па ўсёй краіне, у іх бяруць удзел дзясяткі тысяч людзей. Галоўнае патрабаванне – прызнаць афіцыйныя вынікі выбараў несапраўднымі, вызваліць палітычных зняволеных і адстаўка дзейнага кіраўніка краіны.
АА belsat.eu