Уладзімір Макей выказаўся за бязвізавы рэжым паміж ЕЗ і Беларуссю

Аб гэтым ён заявіў падчас відэаканферэнцыі з Еўрапейскім камісарам у пытаннях суседства і пашырэння ЕЗ Оліверам Вархейі, перадае прэс-служба МЗС.

Уладзімір Макей у сваім выступе адзначыў у якасці важнага дасягнення Усходняга партнёрства набыцця сілы пагадненняў аб спрошчаным візавым рэжыме з Еўрапейскім саюзам. Таксама ён выказаўся на карысць увядзення бязвізавага рэжыму паміж ЕЗ і Беларуссю.

Уладзімір Макей падчас відэаканферэнцыі. Фота: mfa.gov.by

На старонцы міністэрства адзначаецца, што Уладзімір Макей нагадаў аб прапановах Беларусі па дапамозе з боку ЕЗ развіццю экспарту з боку краінаў Усходняга партнёрству на еўрапейскі рынак, а таксама павелічэнні інвестыцыяў ЕЗ і стварэнню працоўных месцаў у краінах – суседках.

Міністр выступіў за павышэнне звязанасці паміж Еўразвязам і краінамі – партнёрамі праз працяг трансеўрапейскіх сетак і распрацоўкі плану энергетычных аб’яднанняў паміж ЕЗ і краінамі Усходняга партнёрства.

Відэаканферэнцыя. Фота: mfa.gov.by

Макей падкрэсліў, што Беларусь зацікаўленая ў далейшым развіцці Усходняга партнёрства, як «прагматычнай і інклюзіўнай ініцыятывы».

Паводле яго, Беларусь гатовая прыняць у Менску саміт Усходняга партнёрства напачатку 2021 года.

Сёння 1 ліпеня Беларусь і Еўразвяз падпісалі дамову аб спрашчэнні візавага рэжыму. Зараз шэнгенскія візы для беларусаў каштуюць € 35.

КТ belsat.eu

Hавiны