Урад Украіны хоча аддаць АТ «Укрзалізниці» пад кіраванне нацыянальнаму аператару чыгунак Нямеччыны Deutsche Bahn AG на 10 гадоў. Пра гэта заявіў прэм’ер-міністр Аляксей Ганчарук у Давосе, паведамляе «Украінская праўда».
«Так, мы хочам аддаць немцам на 10 гадоў пад кіраванне чыгунку», – сказаў Ганчарук.
Ён дадаў, што ўлады Украіны звязваюць з гэтым рашэннем не толькі чакання аб развіцці «Укрзалізниці».
«Гэта экасістэмнае рашэнне, якое павінна паказаць, што Украіна беспрэцэдэнтна адкрытая для інвестыцыяў, для свету, для новых стандартаў», – сказаў прэмʼер.
Ганчарук дадаў, што, нягледзячы на тое, што яшчэ трэба дамаўляцца і ўзгадняць дэталі рашэння і дакументы, «палітычнае рашэнне адносна гэтага ўжо прынята і гэта ўжо велічэзны крок».
АТ «Укрзалізниці» – дзяржаўнае прадпрыемства-манапаліст, якое ажыццяўляе чыгуначныя перавозкі ва Украіне.
ІІ belsat.eu