Інтэрнэт-карыстальнік паведаміў блогеру NEXTA пра затрыманне оперупаўнаважанага Шклоўскагаа РАУСу з 29,9 грамамі псіхатропнага рэчыва альфа-PVP.
Гэтую інфармацыю пацвердзіла крыніца «Белсату» ў органах МУС. Міліцыянта затрымалі 10 лютага.
Упраўленне Следчага камітэту Віцебскай вобласці пакуль не пракаментавала факту затрымання. Прэс-сакратар віцебскага УСК не адказвае на тэлефанаванні.
У чэрвені 2017 года Вярхоўны суд паставіў кропку ў гучнай крымінальнай справе аб абароце псіхатропных рэчываў. Сярод 17 фігурантаў аказаліся працаўнікі КДБ Карыцкі (Берасцейскае ўпраўленне) і Вераценскі (Цэнтральны апарат), а таксама працаўнік аднаго з упраўленняў ГУБАЗіК МУС па Менску Дзенісевіч. Пачаткова ўсе трое атрымалі тэрміны ад 14 да 15 гадоў. Але пазней прысуд абскардзілі ў Вярхоўным судзе, з абвінавачання выключылі шэраг эпізодаў пра наркотыкі і тэрміны скарацілі да 8-9 гадоў. У лютым 2019-га стала вядома, што адзін з фігурантаў справы ўжо выйшаў на волю.
ЮВ, belsat.eu