У рэдактаркі аддзелу навінаў TUT.BY Галіны Уласік прайшоў вобшук, дачку забралі ў міліцыю
08.09.202011:34
Раніцаю 8 верасня ў кватэру рэдактаркі адзелу навінаў TUT.BY Галіны Уласік прыйшлі супрацоўнікі міліцыі, падае TUT.BY.
Паводле супрацоўнікаў міліцыі, яны маюць санкцыю на вобшук, заведзеная крымінальная справа.
Галіна Уласік.
Фота: Вольга Шукайла / TUT.BY
У 9:55 дачку Галіны Уласік Валерыю забралі ў Маскоўскі РУУС Менску, яе вінавацяць ва ўдзеле ў несанкцыянаванай акцыі, паводле артыкулу 23.34 КоАП.
Як стала вядома TUT.BY у сілавікоў няма прэтэнзіяў да Галіны Уласік. Пытанні ёсць толькі да Валерыі Уласік, якая раніцаю была затрыманая. Яе падазраюць у датычнасці да крымінальнай справы аб масавых беспарадках.
У выніку вобшуку супрацоўнікі міліцыі забралі старыя тэлефоны, якія знайшлі ў доме, флэш карты і 2 ноутбука.
Валерыя Уласік каля Кастрычніцкага РУУС. Менск, Беларусь. 5 верасня 2020 года.
Фота: Аліса Ганчар / Белсат
Следчы камітэт сітуацыю не каментуе.
