Прэс-служба ГУУС Менгарвыканкаму паведамляе, што ў Менску міліцыянты падчас перадачы хабару затрымалі начальніка бюро аднаго з буйных прамысловых прадпрыемстваў. Назва прадпрыемства і сума хабару не агучваюцца.
У абавязкі топ-менеджара ўваходзіла заключэнне дагавораў на закуп дэталяў і матэрыялаў. У сярэдзіне 2018 гады ён пазнаёміўся з менчуком – той прадстаўляў інтарэсы сваёй жонкі-прадпрымальніцы, якая ажыццяўлялася пастаўкі неабходных дэталяў на прадпрыемства. Прадстаўнік прадпрымальніцы ў адзін з дзён 2018 года перадаў начальніку бюро хабар у якасці падзякі за тое, што быў выбраны ў якасці пастаўшчыка.
«У лістападзе 2018 года сітуацыя паўтарылася, пры гэтым сума ўзнагароджання вырасла. Як растлумачыў фігурант, атрыманыя ў якасці хабару грашовыя сродкі ён расходаваў на асабістыя патрэбы», – адзначаюць у міліцыі.
Падчас атрымання наступнага хабару топ-менеджара затрымалі супрацоўнікі міліцыі. Справу цяпер расследуе Заводскі раённы аддзел Следчага камітэту.
ІІ belsat.eu