КДБ: экс-кіраўніка аховы Лукашэнкі затрымалі за хабар ад расейскай кампаніі «Г»


Следчае ўпраўленне КДБ Беларусі высунула абвінавачванне ў хабарніцтве Андрэю Уцюрыну, намесніку дзяржсакратара Савета бяспекі Беларусі і экс-кіраўніку аховы Аляксандра Лукашэнкі.

Паводле спецслужбы, Уцюрын быў затрыманы падчас атрымання $ 148 600 ад «прадстаўніка расейскай камерцыйнай структуры «Г» за садзейнічанне ў прасоўванні яе інтарэсаў у Рэспубліцы Беларусь».

Чалавек, які даў хабар Уцюрыну, таксама затрыманы. Яго імя не называецца. Абодва затрыманыя прызналі сваю віну ў поўным аб’ёме і цяпер знаходзяцца пад вартаю, паведамляе КДБ.

Лукашэнка афіцыйна звольніў Уцюрына «за правіны, што дыскрэдытуюць званне вайскоўца»

Раней расейскае выданне «Росбалт» паведаміла, што намесніка дзяржсакратара Савета бяспекі Андрэя Уцюрына арыштавалі за тое, што ён нібыта супрацоўнічаў з ФСБ Расеі.

Эксперт: Былы ахоўнік Лукашэнкі стаў для яго небяспечным

ЮВ belsat.eu

Глядзі таксама
Каментары