На Тэатральнай плошчы ў Луцку раніцай 21 ліпеня невядомы захапіў аўтобус і забарыкадаваўся ў ім. СМІ паведамляюць пра страляніну.
«Украинская правда» са спасылкай на начальніка абласнога ўпраўлення паліцыі Юрыя Крашко паведамляе, што да аперацыі прыцягнулі антытэрарыстычны цэнтр СБУ. Па словах сілавіка, у аўтобусе забарыкадаваўся мужчына, які пры сабе мае зброю і выбухоўку. Ён страляе.
Паводле папярэдніх звестак праваахоўнікаў, у аўтобусе не менш за 20 закладнікаў, піша УНН.
Вядома, што чалавек высунуў праваахоўнікам свае ўмовы. З ім вядуцца перамовы. З захопнікам звязваюцца па тэлефоне. Як высветлілі ў паліцыі, на сваёй старонцы ў сацсетках чалавек пастаянна піша пра «незадаволенасць сістэмай ва Украіне».
Плошчу ў Луцку атачылі спецназаўцы з аўтаматамі. Рух транспарту забаронены. Тэрыторыя абгароджана.
З’явіліся патрабаванні мужчыны:
«Авакаў, Парашэнка, Пінчук, Каламойскі, Ахметаў, Медзвядчук павінны адначасова выкласці запіс: «я тэрарыст у законе» . А Зяленскі павінен апублікаваць зварот з тэкстам »фільм «Зямляне» 2005 года глядзець усім«.
У Луцк тэрмінова вылецеў Міністр МУС Арсэн Авакаў. У вобласці ўведзены план «Закладнік». Прэзідэнт Украіны Уладзімір Зяленскі паведаміў, што трымае сітуацыю на ўласным кантролі.
https://www.facebook.com/zelenskiy95/posts/2585795505004143
(аднаўляецца)
ІІ belsat.eu
