Пытанне цаны на газ для Беларусі мусіць абмяркоўвацца на ўзроўні экспертаў. Пра гэта заявіў журналістам 15 красавіка прэс-сакратар прэзідэнта Расеі Дзмітрый Пяскоў, піша «РИА Новости».
14 красавіка падчас перамоваў лідараў ЕАЭС у фармаце відэаканферэнцыі Аляксандр Лукашэнка заклікаў адаптаваць цану на газ да змены эканамічнай кан’юнктуры, якая адбылася ў выніку пандэміі. «Відавочна, што пры такім рэзкай змене эканамічнай канʼюнктуры цана павінна быць больш адаптыўнай, а механізм разлікаў – падʼёмным для спажыўцоў», – падкрэсліў Лукашэнка. Ён у гэтай частцы звярнуўся да прэзідэнта РФ Уладзіміру Пуціну, каб можна было аператыўна разгледзець гэтае пытанне.
«Гэта пытанне для абмеркавання на экспертным узроўні ў ЕАЭС, пытанне пастаўлена ў рамках ЕАЭС, яно можа ставіцца, яно будзе прапрацоўвацца», – сказаў сёння Пяскоў, каментуючы прапанову Лукашэнкі.
Цяпер Беларусь атрымлівае расейскі газ па цане $ 127 за тысячу кубаметраў. З канца 2018 года Лукашэнка патрабаваў ад Расеі зніжкі на газ да ўзроўню Смаленскай вобласці, аднак у Крамлі заяўлялі, што Беларусь не можа на гэта разлічваць без рашэння пытанняў саюзнага будаўніцтва.
ІІ belsat.eu
