На скрыжаванні вуліцы Савецкай з вуліцамі Камунараў і Ланге ў Гомлі зрабілі дыяганальны пешаходны пераход. Цяпер перайсці на паралельны бок вуліцы можна значна хутчэй. Пры гэтым надалей у пешаходаў засталася магчымасць перайсці дарогу перпендыкулярна (як прывыклі раней) паведамляе прэсавая служба МУС.
З ініцыятывай стварыць дыяганальны пешаходны пераход выступіла УДАІ УУС Гомельскага аблвыканкаму. Інспектары вывучылі замежны досвед і прыйшлі да высновы, што такое новаўвядзенне паспрыяе перамяшчэнню пешаходаў.
У МУС адзначаюць, што калі ініцыятыва стане паспяховай, то такія пераходы створаць і на іншых скрыжаваннях, дзе інтэнсіўны рух.
Дыяганальныя пешаходныя пераходы з’явіліся ў ЗША і Канадзе ў сярэдзіне мінулага стагоддзя. Паступова выгоды пераходу, які аддае прыярытэт не машынам, але пешаходам, ацанілі ў Еўропе і Азіі.
СК belsat.eu