Беларускія медыкі распачалі лабараторную дыягностыку ўсіх магчымых клінічных выпадкаў захворвання згодна з рэкамендацыямі Сусветнай арганізацыі здароўя, падае Міністэрства аховы здароўя.
На гэты момант у Рэспубліканскім навукова-практычным цэнтры эпідэміялогіі і мікрабіялогіі лекары абследавалі 74 чалавек, большая частка якіх прыбыла з Кітаю.
Яшчэ 47 чалавек, якія былі ў Кітаю, 29 студзеня абследавалі ў менскім аэрапорце.
Згодна з даследаваннямі, каронавірус у іх не выявілі.
Падчас даследавання ў чатырох асобаў выявілі, аднак, вірус грыпу, у траіх – мікаплазму пнеўманіі, у аднаго – рынавірус. Яшчэ у адной асобы знайшлі адначасова вірус грыпу і мікаплазму пнеўманіі.
Паводле медыкаў РНПЦ эпідэміялогіі і мікрабіялогіі, яны маюць ўсе неабходныя рэактывы, абсталяванне, тэхналогіі і высокакваліфікаваны персанал, які мае вялікі вопыт правядзення такіх даследаванняў. Цэнтр працуе ў штатным рэжыме – 24 гадзіны ў суткі.
На мінулым тыдні Надзвычайны камітэт, скліканы Сусветнай арганізацыяй аховы здароўя, выпрацаваў рэкамендацыі ў барацьбе з каронавірусу для Кітаю і для ўсяго свету агулам. Згодна з гэтымі парадамі, кожная краіна павінная быць гатовая да лакалізацыі захворвання і актыўнага эпідэміялагічнага нагляду, раннім выяўленні ўзбуджальніка, ізаляцыі і аказанні медычнай дапамогі пацыентам, а таксама да перадухілення далейшага распаўсюджвання інфекцыі.
У адпаведнасці са звесткамі САЗ, колькасць захварэлых на вірус у Кітаі складае каля 7,7 тыс. чалавек. Разам з пацыентамі ў іншых краінах колькасць захварэлых набліжаецца да васьмі тысячаў асобаў. 170 чалавек загінулі.
ДД belsat.eu
