Ціханоўская ў Берліне: думаю, што большасць дасць Лукашэнку магчымасць сысці

Святлана Ціханоўская ў Берліне. Фота: HANNIBAL HANSCHKE / Reuters / Forum

Святлана Ціханоўская правяла прэс-брыфінг для нямецкіх і міжнародных СМІ. Адказы на галоўныя пытанні публікуе Тэлеграм-канал Святланы Ціханоўскай.

Як вы можаце быць упэўнены, што людзі не стомяцца, улічваючы, што відавочнага канца крызісу пакуль не відаць? Што можаце сказаць пра маладых людзей, якія пакідаюць краіну?

Святлана Ціханоўская: маладыя людзі ганарацца тым, што робяць гісторыю. Яны не збіраюцца з’язджаць. Я не магу даваць ніякіх гарантый, аднак я ўпэўненая, што яны будуць змагацца за мірную будучыню. Яны смелыя і моцныя.

Ці можаце вы паручыцца, што Пуцін не паўторыць сцэнар 2014 года?

Святлана Ціханоўская: Я не магу быць упэўненая ні ў чым у дадзеным выпадку. Аднак я заклікаю да дыялогу. Гэта 21 стагоддзе, мы цывілізаваныя людзі – няма ніякай патрэбы ў вайне і крыві. Сесці і пагаварыць нашмат прасцей. Пратэст не кантралюецца з-за мяжы. Не кантралюецца з Расеі. Пару месяцаў таму Лукашэнка абвінавачваў майго мужа і іншых людзей у тым, што іх каардынуе Расея. Цяпер ён перадумаў і абвінавачвае Еўропу.

Прычына ў тым, што Лукашэнка не разумее свой народ. Не хоча чуць Яго волю. Калі Лукашэнка і праўда хоча ведаць, каго вінаваціць, яму варта паглядзець у люстэрка.

Еўразвяз адклікае частку амбасадараў з Беларусі

Што будзе з Лукашэнкам? Ён проста сыдзе, будзе асуджаны ці ёсць іншыя варыянты?

Святлана Ціханоўская: у мяне два погляды на гэта: як асобы і як нацыянальнага лідара. Я не магу дараваць яго як асобу. Аднак, як нацыянальны лідэр, я павінна прыняць рашэнне, якое паўплывае на гісторыю краіны. На гэты конт ёсць розныя меркаванні. Многія хочуць, каб яго судзілі. Але я думаю, што большасць проста дасць яму сысці, калі ён пакіне нас у спакоі. Я лічу, пытанне патрабуе дыялогу.

Якая ваша ролю і якім вы бачыце ўласнае палітычную будучыню?

Святлана Ціханоўская: я настойваю на сваёй пераходнай ролі. Не ўпэўненая, што бачу для сябе палітычную будучыню (смяецца). Я не хацела сабе гэтую ролю. Не думаю, што застануся ў палітыцы пасля новых выбараў: усё ж для мяне гэта занадта складана. Аднак, калі ў краіне ўсё ў парадку і не трэба кожны дзень баяцца за сябе і блізкіх, напэўна, быць палітыкам прасцей. Не ведаю, ніколі не была (смяецца).

Як вы лічыце, забастоўкі яшчэ магчымыя або яны ўжо вычарпалі сябе?

Святлана Ціханоўская: вядома, магчымыя. Адразу пасля выбараў рабочыя выйшлі са сваіх заводаў, і рэжым спалохаўся. Лукашэнка спалохаўся. З-за гэтага ён пачаў ціснуць на рабочых, і, вядома, людзі спалохаліся рэпрэсій у дачыненні да сябе і сваіх сем’яў. Але я ведаю, што рабочыя не даравалі гвалт пасля выбараў – і забастоўкі проста перайначыліся. Зараз гэта італьянскія забастоўкі і самаарганізаваныя групы на працоўных месцах. Магчыма, яны не так бачныя, але на мінулым тыдні я мела зносіны з рабочымі і дакладна ведаю: іх пратэст працягваецца.

  • 6 кастрычніка Святлана Ціханоўская сустрэнецца з канцлерам Нямеччыны Ангелай Меркель, а таксама з нямецкімі дэпутатамі. 7 кастрычніка ў Ціханоўскай запланаваная сустрэча з міністрам замежных спраў Нямеччыны Хайка Маасам.

AA/АА belsat.eu

Hавiны