Сяброўка Эдуарда Бабарыкі: Веру, што ў гэтай сістэме працуюць добрыя людзі

Сяброўка затрыманага Эдуарда Бабарыкі – Аляксандра Зверава – нядаўна даведалася, што ў турме Эдуард атрымаў ад яе толькі два лісты. Дзяўчына кажа, што адправіла яму ажно 20. Аляксандра распавяла «Белсату», што першы ліст ад Эдуарда атрымала толькі 8 ліпеня, праз тры тыдні пасля затрымання.

Аляксандра Зверава лічыць, што прычына затрымання Віктара ды Эдуарда Бабарыкаў – выключна жаданне Лукашэнкі пераабрацца на шосты тэрмін.

«Сувязь з Эдуардам да ўчора я трымала выключна праз адваката. Таму, калі была магчымасць задаць нейкае пытанне, я пытала пераважна, як ён і што яму трэба. Учора, 8 ліпеня, я атрымала першы ад Эдзіка ліст. У дзень, калі з моманту затрымання мінула тры тыдні. У лісце ён згадаў, што ў СІЗА працуе БТ, а значыць, пэўная інфармацыя звонку паступае, толькі, выкажу здагадку, што не вельмі аб’ектыўная. У лісце Эдзік папрасіў падпісаць яго на якія-небудзь газеты. Падпішу на «Белгазету» ў першую чаргу», – адзначае Аляксандра Зверава.

 

View this post on Instagram

 

… на стуле лежат вещи, которые не приняли: «лишние» пары трусов и носков. «На шахматах металл» — набор уходит в ту же стопку. «Механические карандаши нельзя. можно обычные». «Вы рассказывайте, — говорю ему, — меня жизнь к такому не готовила». «В жизни ко всему нужно быть готовым» философски отвечает сотрудник СИЗО. «Даже если ничего не нарушил?» — спрашиваю я и в этот момент чувствую смачный щелчок пальца в спину. «Саша, нельзя говорить такие вещи в таких местах» сквозь зубы говорит Тимур, когда мы выходим из здания. То же самое мне всегда говорил Эдик: не шути с милиционерами, не улыбайся на таможне. И, конечно, не нужно быть такой активной в соцсетях. Особенно сейчас. Я иду и думаю: как же мне это надоело — бояться. Серьезно: задрало. Я живу в стране, где закон нарушают законодательные органы. Где людей проверяют, обыскивают и судят за то, что они создают бизнес, высказывают свою позицию или баллотируются на пост президента страны, которую кто-то признал своей собственностью. Где люди, могут быть задержаны сотрудником ОМОНа за то, что они едут на собеседование, стоят в очереди или возвращаются домой. Просто так. Без причины. Просто потому что. Потому что «ты же понимаешь». Нет. Не понимаю. И отказываюсь понимать. «И что, это первый случай такой? В тюрьмах полно людей, которых осудили так же, незаконно». Знаю, друзья. Ни секунды в этом не сомневаюсь. И всё же, задаю встречный вопрос: это как-то отменяет то, что происходит? Это повод для того, чтобы снова помолчать? Почему я не писала об этом раньше? Потому что меня это не касалось так близко. Заметьте: я говорю «так близко», потому что такие вещи касаются нас всех. Так уж вышло, что изменить прошлое я не способна. Но я в силах внести свой маленький вклад и попытаться изменить то, что происходит сейчас. И, это может прозвучать высокопарно, но может быть именно благодаря такому вкладу каждого из нас, то, что случилось с моими близкими сегодня, не случится с вашими завтра. И все спрашивают «тебе страшно?». Да, страшно. Ну а дальше что? Всю жизнь бояться? из страны «валить»? Не хочу я из неё валить. Мне она сейчас особенно нравится. #ямы97%

A post shared by Alexandra Zvereva (@zverevas) on

Сяброўка затрыманага кажа, што Віктар і Эдуард Бабарыкі даведаліся пра відэа з Фрода, які падбадзёрыў іх.

«Я лічу што звязваць гэта відэа і палітыку не трэба ў прынцыпе. Уся сямʼя Эдзіка любіць «Уладара Кольцаў». Відэа было запісана для таго, каб падбадзёрыць і парадаваць Віктара і Эдуарда ў гэты цяжкі час. І, па словах адвакатаў, яны былі неверагодна рады пачуць, што іх падтрымаў Фрода. Вось для гэтага відэа і стваралася», – кажа Аляксандра.

«Разам мы пераможам!» Віктар Бабарыка даслаў ліст з СІЗА

Раней дзяўчына ў сваім Facebook напісала, што відэа сапраўды зʼявілася дзякуючы сэрвісу Cameo. Сэрвіс дае магчымасць адправіць запыт вядомаму чалавеку з просьбай запісаць відэазварот.

«Я перакананая, што 200 $ – не тая сума, якая можа нейкім чынам паўплываць на бюджэт Элайджа Ўуд. І зусім дакладна гэта не тая сума, дзеля якой актор вырашыў прачытаць пра тое, што адбываецца ў Беларусі. Чалавек, які адпраўляў запыт Элайджа, распавёў мне, што амаль усе словы з паслання актор дадаў ад сябе. Гэта значыць перш, чым сваё паведамленне запісаць, Элайджа сапраўды азнаёміўся з сітуацыяй. Мне яго пасланне падалося вельмі шчырым», – адзначыла дзяўчына Эдуарда Бабарыкі.

«Хобіт» Элайджа Ўуд падтрымаў Віктара і Эдуарда Бабарыкаў

Аляксандра Зверава кажа, што верыць у тое, што ў гэтай сістэме працуюць добрыя людзі, якія проста пакуль не знайшлі ў сабе сіл супраціўляцца.

«Гэта як беларуская «апалітычнасць», якая не таму, што людзям пляваць, у якіх умовах жыць, а таму, што яны ведаюць, што іх меркаванне дзяржаве не трэба і не цікава. А гэта так, нам гэта дзяржструктуры кожны дзень ужо цалкам адкрыта дэманструюць.

Людзі баяцца, што іх не падтрымаюць, баяцца згубіць працу, заробкі, у нашай дзяржавы на страху грунтуецца ўся рыторыка і ўсе дзеянні. План пасяўной не выканаў – сядзеш, балатуешся – сядзеш, на вуліцу пойдзеце – нагадаем, як людзей расстрэльвалі, футболку хочаце купіць – 15 дзён арышту. На 3 ліпеня затрымалі хлопцаў у футболках «3 ліпеня». Інтэрнэт-апытанні ў нас ужо забаранілі.

Так, я думаю што нават сярод амапаўцаў ёсць хлопцы, якія перад сном задаюць сабе пытанне, як так цікава павярнулася жыццё, што даводзіцца заломваць рукі людзям, якія стаялі ў чарзе ў краму. Думаю, што такім людзям трэба ўбачыць падтрыманне і нейкую перспектыву, Таму мяне асабліва цешаць праекты, калі ўладальнікі бізнесу прапануюць працаўнікам сілавых структур перавучыць іх. Бясплатна».

Адвакаты Віктара Бабарыкі просяць замяніць яму ўтрыманне ў СІЗА на хатні арышт

СК belsat.eu

Hавiны